لعبة البسكوت

تدوب وتقل ولما تمل تكون متلام فترضى بساقية الأيام.. كأسلم حل وتضحك في الوشوش بالزور وتزرع أرض أصلا ً بور ولا بترتاح .. ولا بتطرح ولا لاقي فـ سواد الكون شوية نور يادوبك ينفعوا مطرح وتفضل تغزل الأيام بخيط الوهم وتحرق كل تفصيلة.. بتثبت إنك انت أهم كأنك جي للدنيا لشيل الهم ويوم عن يوم بتنسى يعني إيه قدام ولا انت بخير ولا انت تمام يادوب موجود ومش متشاف بتنزل دمعتك بالجاف مفيش ضحكة بتمسحها كأن الدنيا مقفولة وناسي شكل مفتاحها ومين عارف بأحوالك ومين لما فـ يوم تغلط.. يسامح ولا ينسالك مفيش ولا حد على بالك ومش هتلاقي حد أكيد دا أقرب حد في حياتك مجازًا يتوصف.. ببعيد