ترياق شيطاني

مجدي: رشا .. رشا اصحي الساعة بقت السادسة ونصف . رشا: طيب يا مجدي .. ها أقوم أهو . مجدي: قومي الأولاد ها يتأخروا على المدرسة. رشا: أوف بقى زهقت. مجدي: زهقتي من أيه؟ ما أنا بقولك اقعدي في البيت وانتي اللي ماسكة في الشغل رشا: بذمتك ده وقته للكلام ده عموما ها أرد عليك نفس رد كل مرة: أنا ما تعلمت وبقيت دكتورة زيك عشان أقعد في البيت مش كفاية حرمتني يبقى عندي عيادة زي باقي الناس؟ مجدي: ما هو ده اللي كان ناقص كمان تبقي في المستشفى الصبح والعيادة بالليل. رشا: خلاص بقى مش هسيب المستشفى ومش بقول عاوزه عيادة ارحمني بقى من الأسطوانة دي. خرجت رشا من الغرفة ودخلت غرفة أولادها.