الخروج عن النص من جديد

<p>فيه ميراث بيتم توزيعه وقت الولادة..</p> <p>بمجرد ما حضرتك تتولد.. بتبدأ فى استلام تركة ثقيلة وممتدة</p> <p>من كل أجيال أسرتك، دول يسلِّموك مخاوفهم.. ودول يسلِّموك نقط ضعفهم.. ودول يسلَّموك نصوص حياتية مُعدة مسبقًا..<br /> إحنا محتاجين نقف وقفة حاسمة وجادة.. نراجع فيها كل ما تسلمناه..</p> <p>محتاجين نخرج عن النص .. ونبدأ في الكتابة من جديد.. بأقلامنا نحن..</p> <p>في الباب الأول من هذه الكتاب، هنعرف يعنى إيه حدودك النفسية..</p> <p>وإيه هي نفسك الحقيقية ونفسك المزيفة.. وليه بنكرر أحيانا نفس الغلطة..</p> <p>هنتعلم عن المواقف غير المنتهية.. والمشاعر اللي بنحسها.. بس هي في الحقيقة مش مشاعرنا..</p> <p>هانكتشف ازاى ممكن عايشين نصف حياة.. وايه الأدوار اللى بنلعبها في سيناريوهات حياتنا..</p> <p>فى الباب الثانى.. هانتكلم عن الصوت الداخلى اللي بيطلع من جوانا، ويفسد علينا كل شئ..</p> <p>هانستعرض بالأمثلة بعض القرارات اللى بناخدها واحنا صغيرين، واللى بتتغير معاها حياتنا للأبد..</p> <p>هانتكلم عن الانتحار وإيه معنى إن حد يقرر ينهي حياته..</p> <p>هانشوف الخوف من الهجر والوحدة ممكن يعمل إيه في أصحابه..</p> <p>هانفهم اختيارتنا بتقول عننا إيه.. وهانعرف ازاى ما نخليش احتياجتنا.. تبهدلنا.. ياللا بينا نخرج عن النص.. في اتجاه النور.. في اتجاه الحياة.. &laquo;محمد طه&raquo;</p>