ورا القناع

أول ما دخلت الفصل علينا، كلنا بصينالها ملكة جمال في فصلنا؟ ورفيعة وشعرها برتقاني، مموج وتقيل، شكل تاني خالص غير الطالبات اللي متعَوِدين نشوفهم كل يوم ده غير إنها كانت عايشة في أمريكا... وبتمثل! بس إنبهارنا بيها مادامش كتير، وشوية بشوية إبتدا القناع يتزاح لحد ما وقع خالص... والوش بتاعها الحقيقي بان. وبعد الصدمة.. كان الاكتشاف. نانسي وحسن وأصحابهم بيستعدوا لــ" حفلة المواهب... كلهم مستنين يشوفوا دوللي هتعمل إيه بعد حكاياتها لها عن تمثيلها في أمريكا، لكنهم بيكتشفوا إن الواحد ساعات بيضطر يكذب عشان فاكر إن ده هيخلي الناس تحبه.... لكن لما الحقيقة بتظهر بتخليهم يكتشفوا نفسهم أكتر ويعرفوا مين أصحابهم الحقيقيين وكمان بيعرفوا إن لما كل واحد بيكون صادق مع نفسه كل شيء بيبقى تمام!