في الليلة دي للأسف خالد اتقتل و ملابسات القتل غير معلومة لغاية دلوقت لأى حد غير اللى قرأ .. و لكن اللى نقدر نسمعه من القصة دي هو تليفون خالد اللى بيرن و بيدخل المتصل على بريده الصوتي .. اللى جه بصوت فرج : " أيوة يا أستاذ خالد شكلك نمت الله يعينك مشوارك كان طويل برضه .. كنت بأقولك لو حد سألك مين اللى أجرلك الأوضة دي متقولش عليا عشان أنا مبحبش أشتغل فى الأوض الشمال دي .. أنا عملتها عشان خاطرك .. و أنت عارف اللى مرخصها و مخليها لقطة إن فيها واحد قتل مراته و كان مخبي جثتها جوة الدولاب .. بس أنا عارفك مش بتخاف من الحاجات دي و الكلام ده من 10 سنين .. قلت أقولك بقي و كلمنى لما تصحي .. نشوف موضوع التنضيف ده " ينتهي البريد الصوتي برنة ... و ده آخر نور جه من شاشة الموبايل مع نور البرق ... نشوف منهم خالد وهو راسه ملفوفة و مخنوق بالوشاح و النضارة جنبه مكسورة ...