عايزة أتجوز

<p>... زمان كنتوا تشوفوا في الأفلام العربي أي بنت تدخل فرح وهي لابسة شيك كدة شوية.. يتلموا عليها الشبان ويبقوا عايزين ياكلوها.. وما تخرجش م الفرح إلا بعريس.. دلوقتي نفس التجمعات بس بالعكس.. تلاقي كل أم قاعدة هي وبناتها مراقبين الشباب ويا ويله اللي يعدي جنبهم.<br /> - طارق.. إزيك يا ولد.. مش تيجي تسلم على بنات خالتك شوف بقوا حلوين إزاي؟<br /> - أنا مش طارق يا طنط وأنا متهيألي كدة حضرتك مش خالتي.<br /> - صحيح؟ معلش يا حبيبي العتب ع النظر طب ما تعرفنا على نفسك كدة.. يمكن ربنا يحبك ويبقالك نصيب معانا.<br /> طبعا الواد يا إما يطلع يجري.. يا إما حد من صحابه بياخد باله م الكمين اللي وقع فيه وييجي ينقذه على أساس في حد عايزه وكده..</p>