"من قواعد إسعاد الزوجة الأربعون: احفظ جيدًا تواريخ عيد ميلاد زوجتك وأبوها وأمها وأخواتها وعيال أخواتها. هات هدية لزوجتك كل يوم (بوكيه ورد، باكو شيكولاتة، كيلو لب سوري)، وكل شهر (فستان جديد، حذاء، شنطة). عرف زوجتك الرقم الخاص بالفيزا كارت، وخليها تروح تجيب مرتبك علشان تتأكد من صحته، وإنك مغيرتش الرقم السري. عرف زوجتك بالتفصيل تحركاتك اليومية، ولو قدرت تبعت لها صور ومقاطع فيديو تؤكد صحة كلامك يبقى كتر خيرك. لو اشتريت عربية اكتبها باسم زوجتك، ولو اشتريت شقة اكتبها باسم زوجتك، أما لو اشتريت بيت طبيعي جدًا تكتبه باسم زوجتك. لو ربنا كرمك بسفرية لإحدى دول الخليج، أعمل لزوجتك توكيل عام بكل شئ. لو انتهى عقد عملك في الخليج اللي مدته (5سنين) وزوجتك طلبت تجدده تاني وتستمر هناك لوحدك وافق فورًا (إيه يعني 10 سنين غربة بيعدوا بسرعة).... إلخ"