قصص الانبياء بالعامية

"ولإن قصص الأنبياء مش مُجرّد قِصة حَصَلِت وإنتهى زَمانها، إنما فيها من المَبَادِئ والقِيَم والمَوَاقِف إللي مُمكِن نِستَفيد بيها في كُل تَعامُلات حَياتنا لدرجة إن رَبنا كان بيصبّر نَبيِنا الكَريم مُحمد -صلوات الله وسلامه عليه -بالقصص دي! فـذِكرُهم في القرآن كان رسالة لنَبيِنَا، ومِن بَعدُه لينَا وإقتداءنا بيهم هو إللي هيوَصّلنَا لجَنّة الخُلد ويرَقّينا فـيَجمعنا الله مَع مَن تَشبّهنَا بِهم يَوم نَلقاه علشان كده هنعيش معاهم في السلسلة القَصَصِيّة دي نعرف رسالتهم، وتفاصيل حياتهم، وناخد مِن كُل نَبي فيهم خِصلة -الكتاب عبارة عن قصص الـ24 نبي المذكورين في القرآن من أول أبونا آدم لحد سيدنا عيسى. -تسلسل ذِكر الأنبياء في الكتاب بترتيب ظهورهم - على أصح أقوال أهل العِلم والتاريخ- يعني الترتيب المذكور في الفهرس ده احفظوه وحفظّوه لأطفالكم عشان يعرفوا مين كان قبل مين من الأنبياء. - أكتر شيء مميز فيه إنك لأول مرة هتقرأ كتاب عن قصص الأنبياء بالشمولية دي، لإنه بيتناول القصة من معظم الزوايا ووجهات النظر اللي اتقالت عنها، فبدل ماتروح تقرأ القصة من كتاب واحد إنت كأنك بتقرأ 6 كتب أو أكتر في وقت واحد. -طول مانت بتقرأ هتلاقي الكلام مدعوم بالأحاديث والآيات الدالة، فتاخد المعلومة عن عِلم وفِهم وتربط القصص بالآيات والأحداث. -المصادر المأخوذ منها معلومات الكتاب عبارة عن كتب الأحاديث الصحاح وكتب كِبار العلماء والمفسرين بشكل أساسي، كل الآيات المذكورة في الكتاب تفسيرها مأخوذ عن: *كتاب تفسير القرآن العظيم لابن كثير. *كتاب التحرير والتنوير لابن عاشور. *كتاب التفسير الوسيط للقرآن الكريم للشيخ محمد سيد طنطاوي. *كتاب الجامع لأحكام القرآن للقرطبي. *كتاب جامع البيان في تفسير القرآن للطبري. *كتاب تيسير الكريم الرحمن في تفسير كلام المنان للسعدي. *كتاب معالم التنزيل في تفسير القرآن للبغوي. تزيد أو تنقص بعض المصادر في بعض القصص على حسب احتياج القصة. -طول مانت بتقرأ هتلاقي نفسك فهمت آيات جديدة وعيشت مع آيات كأنك بتقرأها لأول مرة وربطت أحداث بآيات ماكُنتش واخد بالك إنهم لهم علاقة ببعض، فتطلع منه بكمية معلومات لا تُوصف وعلاقة جديدة مع القرآن، فتبقى بتقراه عن حُب وفِهم واستشعار. - أسلوب الكتابة سهل سلسل ممتع شيّق، ولغته عامية أقرب إلى الفصحى تجمع بين سهولة العامية ورقيّ الفصحى، يفهمها جميع الجنسيات والأعمار والثقافات بإذن الله. -الأعمار اللي قرأت الكتاب بالفعل وأشادت به كانت من 6 سنوات إلى 75 سنة. الحمدلله